" فضفضة بالعامية "

في سنة من عمرك بتكون هيي "الشعرة الّتي قصمت ظهر البعير "
هيي نقطة التحول مو بس بحياتك ! فيك كلك
بهالسنة انت كبرت مية عام بنفس الوقت هالسنة ح تخليك تعيش شب طموح بعقل يفوق عمرك ،، لأنو بكل بساطة احنا منكبر بقدر الأوجاع اللي عايشناها بقدر الظلم و القهر اللي شفناه!
بقدر الدموع اللي ذرفناها حتى وصلنا لمرحلة ما نلاقي شي يستاهل نبكي عليه ومنو !!

#هامش :
و انت عم تعيش هالسنة بعد طفولة بريئة و دلال فجأة بتلاقي كل شي بيجبرك و بيدفعك لتقوى ،، و انت بهالسنة حاول تتعلم بسرعة خلي استيعابك قوي و سريع رغم ضعفك رغم حساسيتك و رقتك
لا تيأس !
استعين بالناس اللي بيحبوك بصدق { أمك و أبوك و اخوتك } و لا تفتح قلبك لغيرهن حتى ما يكون ضعفك سلاح إضافي ضدك !!
ازا كنت بحاجة للبكي و اكيد حتكون بحاجتو .. ابكي بينك و بين حالك لان بعد هالبكي حتقوى و حتزهد باللي حواليك و تبطل توثق بسرعة أو تسلم قلبك لمين ماكان ،،
عقلك ح يسيطر تدريجياً ع قلبك لكن إيّاك أن يميت قلبك !
ان كنت عديت هالسنة الفاصلة بشخصيتك
لا تشيل بقلبك ع اللي أذوك و غيروك بهل سنة اللي عدت ووكلهم لرب العالمين هو حياخدلك حقك منهن و حيجازيهن ،، و انطلق للأيام و السنين الجاية بهمة الشباب و حكمة الختايرة ع كلٍ هالناس اللي أذوك بالسنة اللي فتحت عيونك فيها ع الحياة كانوا وسيلة لإكمال رسم شخصية قادرة تواجه هالحياة بمفردها .

ختاماً :
#واستعينوا_بالصبر_و_الصلاة ____________
#بقلمي #بالعامية #رهف_منذر_السبع